«Ертең Астанада хоккейден Қазақстан Республикасының ерлер командалары арасында 9-шы Кубогі басталады. Бұл спорттық шараға еліміздің 10 командасы қатысады. Айта кетейік, биылдан бастап «Астана» атты жаңа команда қатарға қосылды»,-деді ол.
Атап айтқанда, «Астана» хоккей клубы биылғы жазда елордада жасақталды. Ертең басталатын бұл додада командалар «А» және «В» топтарына бөлінген.
Естеріңізге сала кетейік, аталған Кубокті сарапқа салу 2001-2002 жылдардағы ойын кезеңінен басталып отыр. Бүгінге дейін 8 Кубок ойындары өтіп, 4 рет «Қазцинк-Торпедо», 3 мәрте «Қазақмыс», сондай-ақ 1 рет «Горняк» командасы жеңімпаз атанды.
Енді 2011 жылғы осы айтулы сайысқа елордалық «Астана», «Барыс-2» командалары, «Арлан» (Көкшетау), «Қазцинк-Торпедо» (Өскемен), «Горняк» (Рудный), «Сарыарқа» (Қарағанды), «Алматы» (Алматы), «Бейбарыс» (Атырау), «Арыстан» (Теміртау), «Ертіс-Павлодар» (Павлодар) командалары қатысады.