Баспасөз қызметінің "Қазгидромет" РМК-ның мәліметтеріне сілтеме жасай отырып хабарлауынша, "кейбір облыстарда ақпанның соңғы онкүндігінде жауған қар өткен жылдардағы осы мерзіммен салыстырғанда нормадан 2-3 есе асып кеткен".
Алдын-ала қолданылған шаралар ғана оқыс оқиғалар мен адам шығынына жол бермеуге мүмкіндік жасады" , дейді мекемедегілер. "Табиғаттың тосын мінезіне төтеп беруге қолда бар барлық адами және техникалық ресурстар жұмылдырылды. 25-26 ақпанда жолдарды қардан тазартуға 300 жол техникасы тартылды",- дейді министрліктегілер.
Ал күн райын болжаушылардың ақпаратына сәйкес, наурыздың басында да "күн райы күрт суытып, 35 градусқа дейін аяз болады деп күтілуде". Сол себепті Көлік және коммуникация министрлігінің көлік инфрақұрылымын дамыту комитеті жүргізушілерді қауіпсіздік шараларын алуға шақырады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті