Ақтөбе жұртшылығы Тұңғыш Президент атындағы орталық саябақта жерлесіміз Димаш Құдайбергенге қолдау көрсетті, деп жазады Aktobegazeti.kz. Саябақта лық толған халықтың көңіл-күйі көтеріңкі. Жергілікті жас әншілер мен бишілер қатысқан шараға жүзден аса өнерпаз жұмылдырылды.
Сондай-ақ, кеш соңында Димаштын ата-әжесі экран арқылы құттықтау сөз сөйлеп, батасын берді. Үлкен экраннан Димаштың байқаудағы көрсеткен өнері көрсетіліп тұрды. Оның орындауындағы әндерді қосыла шырқаған көрермендер ақтық сында өнер көрсететін Димашқа сәттілік тіледі.
