Айта кетейік, аталмыш жоба арнамызда биыл ғана бастау алған болатын. Іріктеуден өткен 16 бойжеткен аналарымен қоса біраз сынға түсіп, қызықты сәттерді бастан өткерген еді. Дәлірек айтсақ, «Мамма мия» реалити-шоу форматында болғандықтан аналары қауіпті аймаққа түскен әнші қыздары үшін бәрін жасауға тырысып бақты. 1-ші маусым финалы ойдағыдай Түркияда қорытындыланып, 1 жарым млн теңге жеңімпаз Роза Саметоваға бұйырды. Ал 2-ші маусым одан да ауқымды болады деп күтеді шығармашылық топ. Іріктеу КТК арнасында өтетінін айта кетейік.
Наталья Крылова, КТК телеарнасы меншікті бағдарламалар дирекциясының директоры:
- Шын мәнінде «Мамма мия» жобасы көрермендер көңілінен осыншама орын алады деп күтпедік. Міне, «жүзден жүйрік» қыздарымызды іріктеп финалда құттықтағанымыз кеше ғана еді, енді бүгін 2-ші маусымды бастағалы отырмыз. Байқауға қызығушылық танытқандар болса, толық ақпаратты сайттан біле аласыздар!
Сонымен, 15,16,17,18 желтоқсанда сағат 12.00-ден 18.00-ге дейін КТК арнасында (Республика алаңы 13, Сәтбаев-Фурманов қиылысы)
14-16 жастағы бойжеткендерді анасымен бірге кастингке шақырамыз. Вокалдық, әншілік, сахнада өзін-өзі ұстау, әртістік, тартымдылық қасиеттерін байқаймыз. Анасының да өнері байқалады. Өйткені қыздар анасымен бірге сахнаға шығады. Бүгінгі күні 30 бойжеткен тыңдаудан өтті. Көбісіне вокалмен, хореографиясымен жұмыс істеуге кеңес берілді. Тек 5 бойжеткен ғана қатысуға рұқсат алды. Олардың тағдыры алдағы кастингте белгілі болмақ, оған дейін үш күн қалды. Жобаға 12 жұп қатыстырылмақ.
Әділқазылар алқасы: Баян Есентаева - жобаның продюсері, Бағым Мухитденова - музыкалық продюсер, Гүлнұр Мамасарипова - атқарушы продюсер, Меруерт Есен - кастинг-директор, Наталья Фазылжанова - КТК меншікті бағдарламаларының директоры. Ал бүгін конкурсқа қатысушылардың талантын Алтынай Жорабаева бақылады. Алдағы күндері әділқазылар алқасы: Қайрат Нұртас, Айгүл Иманбаева, Мәдина Садуақасова.