Соңғы кезде мұндай дауылдар Маңғыстауда қалыпты жағдайға айналған. Десе де бұл жолғы желдің қарқыны қатты. Дүлей дауылдан көтерілген құмның кесірінен көлік қозғалысы шектеліп, Ақтау әуежайының жұмысы да тұралап тұр. Тас жолдарда көліктер тек колоннамен жіберіліп жатыр. Соған қарамастан апаттың алдын алу мүмкін болмады. Ауысыммен жұмыс істейтін мұнайшылар мінген автобус дүлей желдің екпініне шыдамай аударылған. Салдарынан бірнеше адам жараланды. Сондай-ақ дауыл Құрық ауылындағы мектептің шатырын ұшырып әкеткен. Синоптиктер де көңіл көншітетін болжам айта қоймады. Екі күннен бері тыншымаған дауылдың ертең де басыла қоюы екіталай. Сондықтан шұғыл қызмет өкілдерінің барлығы күшейтілген жұмыс тәртібіне көшті.
Loading...