«Есікті теуіп: "Аш. Мен қазір сені зорлаймын" дегенге дейін барды ғой. Есі ауысқан біреу. Сосын Ұлболсын апайдан мұның кім екенін сұрадым. "Ойбай, Мақпал үндеме. Бұл қазір бізді өлтіреді, бауыздайды. Бұл осы жердің жындысы. Бұл ақыл-есі кем адамдар тізімінде тұрған адам. Бұдан бүкіл Жетісай қорқады" деді. Ана жігіттің бойы 2 метр, еңгезердей екен. Музыкантым бар еді. Соны көтеріп алып, лақтырып жіберген ғой», – деді Жүнісова.
Халық оны «Ерке қыз» деп атаса да, еркесін сол кезде ешкім қорғай алмапты. Тіпті полиция да.
«Сол кезде терезеден секірейік десек, ана жігіт есікті жұлқылап, балағат сөздер айтып жатыр. Сондайды да көргенбіз. Мен өкіріп, жылап алдым. Танымайтын айдаладағы бір қазақ. Содан бір жарым сағат өткеннен кейін, амал жоқ, есікті аштық өлтірсе өлтірсін деп. Ашып қалсақ, ана жігіт тұр. Мені көріп, «Жаным-ай, алтыным-ай, мен сені ұзақ күтіп қалдым ғой" дейді. Мен шошып тұрмын андағы жерде қазір ұрып жібере ме екен деп. Сөйтіп, маған қарап тұрып: "қыздарыма автограф берші" деген кезде, мен не істерімді білмей қалдым. Бәрі біткен соң Ұлбосын апай оның есі дұрыс емес екенін тағы айтып жатты. Сонда есі кетіп тұрған кезінде бізді пышақтап өлтіріп кетуі де мүмкін екен ғой», – дейді әнші.