Шақырылығандардың арасында «Радио России» мен «Россия сегодня» ХАА, «Аргументы и факты», «Комсомольская правда», «Новые известия», «Коммерсант», «Егемен Қазақстан» газеттері, «Огонек» журналы, «Қазақстан» ТРК, Қазақ радиосының өкілдері болды.
БАҚ өкілдерінің алдында сөз сөйлеген ҚР-ның Ресейдегі дипломатиялық миссиясының басшысы қазақстандық-ресейлік ақпараттық саладағы қарым-қатынастардың дамып отырған интеграциялық үдерістер алдындағы маңыздылығын атап өтті.
«Ресей мен Қазақстан қарым-қатынастарындағы бұқаралық ақпарат құралдарының рөлін бағалау қиын, әсіресе 2014 жылы», - деп атап өтті М.Тәжин.
Кездесу аясында М.Тәжин «Қазақстандық-ресейлік ақпараттық саладағы қарым-қатынастарды дамытуға қосқан үлесі үшін» Алғыс дипломдарын тапсырды, сондай-ақ Қазақстан мен Ресей БАҚ өкілдеріне бағалы сыйлықтар берілді. Марапатталғандардың арасында «Независимая газета» шолушысы Панфилова Виктория, «Қазақстан» РТРК АҚ басқармасының төрайымы Мұхамеджанова Нұржан, «Вести» телеарнасының шолушысы Кондрашов Андрей, «Огонек» журналы бас редакторының орынбасары Сабов Дмитрий, «АиФ-Қазақстан» газетінің бас редакторы Кузовников Сергей, «Егемен Қазақстан» газетінің шолушысы Жақсыбай Самрат болды.
Өз кезегінде масс-медиа өкілдері ҚР-ның Ресей Федерациясындағы дипломатиялық миссиясының басшысына жылы қабылдауы үшін алғыстарын білдіріп, қазақстандық-ресейлік қарым-қатынастардың нығаюына бағытталған оқиғаларды одан ары насихаттауға дайын екендіктерін жеткізді.