"Келісімнің мақсаты Орталық Азиядағы ұжымдық қауіпсіздік аймағының шұғыл әрекет етуші ұжымдық күштерін пайдалану және жан-жақты қамтамасыз ету, шұғыл әрекет ету негіздерін құқықтық реттеу болып табылады", - делінген мәжілістің халықаралық істер, қорғаныс және қауіпсіздік жөніндегі комитетінің қорытындысында.
"Шұғыл әрекет етуші ұжымдық күштер әскери басқыншылыққа жауап қату, бірлескен жалпы әскери, контртеррорлық және арнаулы іс-шараларға қатысу, соның ішінде Орталық Азия өңірі елдерінің ұлттық және аймақтық қауіпсіздікке төнген қауіп-қатерлерге дер кезінде жауап қатуына арналған", - делінген қорытындыда.
Келісімге 2006 жылдың 23 маусымында Минск қаласында қол қойылған.
Заң жобасы сенаттың талқысына ұсынылды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті