Бұл туралы Caravan.kz тілшісі хабарлады.
Кездесуде желтоқсандық, «Желтоқсан қоғамы» қоғамдық бірлестігінің тең төрағасы Жүрсін Тастекеев, желтоқсандық, ақын-композитор Аманғазы Кәріпжанов және «Жерұйық» қоғамдық бірлестігінен желтоқсантанушы Болатбек Төлепбергендер қатысып, тәуелсіздік белестері мен желтоқсан оқиғасы туралы мазмұнды әңгімелер айтып берді. Оқушылардың тақырыпқа сай өздерін қызықтырып жүрген сұрақтарына жауап берді.
Осы тағылымды кездесу барысында желтоқсантанушы, философия ғылымдарының кандидаты Болатбек Төлепбергеннің 1986 жылғы желтоқсан оқиғасына арналған «Қасиеттім желтоқсан!» атты жаңа кітабының таныстырылымы болды. Автор аталған кітабын мектеп кітапханасына тарту етті.
Бұл тағылымды шараны өткізуге аталған мектептегі тарих пәнінің мұғалімі Мөлдір Киізбайдың белсене атсалысқанын айта кету керек.