Биыл танымал қазақ күйшісі, халық композиторы Ықылас Дүкенұлының 165 жылдық мерейтойы өтеді. Жуырға дейін күйшінің қобызы оның туыстарында сақталып келген болатын. Осыдан бір ай брын облыс әкімі танымал жерлесіміздің отбасында болып, қобызды сатып алуға ниет білдірген. Сөйтіп қобыз қазір жалпыхалықтық мұраға айналды.
Дәулескер күйші Ы.Дүкенұлы әкесінің күйлерін 7 жасынан орындай бастап, 15 жасында халық алдына шыққан. 19 жасында өзінің тұңғыш күйін шығарды, деп хабарлайды баспасөз қызметі.
Гүл қою рәсімінен кейін Елбасы Жамбыл облыстық ішкі істер департаментінің жедел басқару орталығына келді.
Жедел басқару орталығы Тараз қаласының барлық аймағына қызмет көрсетеді. Күні бүгінге дейін мұнда адамдар көп жиналатын жерлерді және көше қиылыстарындағы автокөлік жиі қатынайтын орындарды сырттан бақылайтын 16 бейнекамера орнатылған. Сондай-ақ болашақта осында тағы да 12 бейнекамера орнатылмақ. Қазір мұнда 71 полиция қызметкері еңбек етеді.
ЖБО -ның жоспарлы-техникалық кешені "02" телефоны арқылы Тараз қаласынан түскен барлық хабарларды орталықтандырылған жүйе бойынша қабылдайды. Келген хабарларды басқарма офицерлері арасында бөлу және болған оқиғаларға жедел түрде бақылау жасау жұмыстарын жүргізеді. Сондай-ақ, Орталық келген хабарлар мен көрсетілген көріністерді дер кезінде талдап, орын алған оқиғалардың түпкілікті шешімін табуына басшылық жасайды.
Сонымен бірге, Нұрсұлтан Назарбаев Жамбыл ауданының Гродиково ауылында 1999 жылдан бері жұмыс істеп келе жатқан "Сенім" медициналық орталығында болды.
Орталық ауданның өзіне жақын орналасқан елді мекендері мен Тараз қаласының және Қырғызстан Республикасының шекараға жақын ауылдарында тұратын 32 мың адамына қызмет көрсетеді. Медициналық орталықтың негізгі қызметі екі қабат әйелдер мен жас нәрестелерге амбулаториялық және стационарлық медициналық көмек көрсету болып табылады. Қазіргі кезде мұндағы акушерлік, патологиялық және гинекологиялық бөлімдерге 40 төсек қойылған. Сондай-ақ, орталықтың операция жасайтын бөлмесі, лабораториялық-диагностикалық бөлімі бар.
Орталықтың ұжымында 7 дәрігер, 27 орта және кіші медицина қызметкерлері жүмыс істейді.
Дәрігерлердің орташа айлық жалақысы - 75 мың теңгені құраса, орта буын қызметкерлері ай сайын 37 мың теңге жалақы алады.