"Біз алдағы жылдың бірінші жартысында холдингтік компанияның құрылғаны жайлы хабарлауға тиіспіз",- деді ол.
Президенттің пайымдауынша, "холдингті басқару үшін шетелдік жалдамалы менеджерді жұмысқа тарту керек". "Бұл - инфрақұрылымдық компания бола ма, әлде, барлық алты компания да оған біріге ме деген тұрғыда әлі де ойлану қажет",- деді Н.Назарбаев.
Сонымен бірге президенттің пайымдауынша, холдингтік компанияда президенттің жанындағы шетелдік инвесторлар кеңесі секілді инвесторлар кеңесі болуға тиіс.
"Бұл компаниялардың барлық акцияларының қоржыны мен Қазақстанның еліміздегі басқа компаниялардан иемденген акцияларының қоржыны жаппай сонда болуы қажет. Оның жұмысы мейлінше ашық болуға тиіс",- деді Н.Назарбаев.
Президент өзіне аталмыш холдингтік компанияны құруға қатысты "түрлі әңгімелерден хабардар" екенін жеткізді. "Олай-бұлай бұлтақтап бүркемелегенді қояйық. Бұл жерде үлкен мүдде жатқанын әрине, түсінемін. Ешкім де оған барғысы келмейтінін мен де білемін. Бірақ біз ондай қадамға қайткенде баруға тиіспіз дегенге сіздерді сендіргім келеді. Қарсылық білдіремін деп қайықтың сыртында қалып жүрмеңіздер",- деп ескертті президент.