ҚР Мемлекеттік қызмет істері агенттігі төрағасының орынбасары Саян Ахметжановтың хабарлауынша, осыған орай арнайы зерттеу жүргізілген.
«Соңғы 8 айдың ішінде 57 млн.-нан астам мемлекеттік қызмет көрсетілді. Осы уақыт аралығында мемлекеттік органдар 8 мыңнан астам құқық бұзушылықтарға жол берді. Оның басым бөлігі мемлекеттік қызметті уақытында орындамауға байланысты. Осылайша, ең көп құқық бұзушылықтар ҚР Ішкі істер министрлігіне тиесілі. Оның еншісінде 4 мыңнан астам, яғни барлық құқық бұзушылықтардың 52 пайызы бар. Одан кейін ҚР Өңірлік даму министрлігі (666 құқық бұзушылық) және ҚР Әділет министрлігі (513 құқық бұзушылық) келеді», - деп атап көрсетті С.Ахметжанов. Ал жергілікті атқарушы органдарының ішінде Маңғыстау облысы және Алматы қаласы көш бастап тұр.