Нені білу керек? Caravan.kz медиа порталының тілшісі жалғастырады.
Тиісті түзетулер 2007 жылғы 2 қазандағы Үкімет қаулысымен бекітілген мемлекеттік рәміздерді пайдалану қағидаларына енгізілді. Құжат жаңа айыппұлдарды қарастырмайды, алайда мемлекеттік туды қолданудың талаптарын егжей-тегжейлі белгілейді.
Мемлекеттік туды киім ретінде пайдалануға болмайды
Енгізілген өзгерістердің ең маңыздыларын атап өтсек. Мемлекеттік тудың өзін, яғни матадан жасалған нұсқасын тұрмыстық мақсатта пайдалануға тыйым салынады.
Енді мемлекеттік туды:
Сонымен қатар туды әдейі бүлдіруге, өртеуге, жыртуға, жерге лақтыруға немесе оның қадір-қасиетін қорлайтын өзге де әрекеттер жасауға тыйым салынады.
Спорттық киімдегі ту бейнесіне рұқсат бар
Жаңа қағидаларға сәйкес спортшылардың формасында, жейдесінде, спорттық костюмде, бас киімде және өзге де спорттық киімдерде мемлекеттік тудың бейнесін пайдалануға рұқсат етіледі.
Халыққа туды үйіне ілуге болады
Жаңартылған құжат азаматтардың мемлекеттік туды патриотизмнің белгісі ретінде қолдану құқығын да нақтылай түсті. Енді қазақстандықтар:
Егер ғимараттың ерекшелігіне байланысты туды қасбетке бекіту мүмкін болмаса, оны үй аумағындағы жеке ту тұғырына орнатуға рұқсат беріледі.
Туға қойылатын талаптар күшейтілді
Жаңа қағидаларда мемлекеттік тудың сыртқы жағдайына қойылатын талаптар алғаш рет егжей-тегжейлі көрсетілген. Енді ту:
Сондай-ақ мемлекеттік ту жерге, еденге, суға немесе басқа да беттерге тимеуі керек.
Егер ту тік күйінде орналастырылса, ұлттық ою-өрнек міндетті түрде жоғары жағында орналасуы қажет.
Мемлекеттік рәміздерді орналастыру тәртібі де өзгерді
Өзгерістер ресми интернет-ресурстар мен ақпараттық стендтерге де қатысты. Енді мемлекеттік рәміздер барлық жерде мынадай ретпен орналасуы тиіс:
Ал ақпараттық стендтердің түсі көк болып, жазулары алтын түспен рәсімделуі қажет.
Ереже бұзғандарға қандай жауапкершілік қарастырылған?
Жаңа қаулы айыппұл мөлшерін өзгертпейді. Әкімшілік жауапкершілік бұрыннан қолданыстағы заңнамада көзделген. ӘҚБтК-нің 418-бабына сәйкес:
Егер құқық бұзушылық бір жыл ішінде қайталанса:
Ал ӘҚБтК-нің 458-бабына сәйкес мемлекеттік туды заңсыз пайдаланғаны үшін алғаш рет 50 АЕК, қайталанса 100 АЕК көлемінде айыппұл қарастырылған.
Өзгерістердің мақсаты қандай?
Жаңа қағидалар мемлекеттік рәміздерді пайдалануға қатысты талаптарды нақтылап, оларды құрметпен қолданудың бірыңғай тәртібін белгілеуге бағытталған.
Сонымен қатар құжат қазақстандықтардың мемлекеттік туды патриотизм белгісі ретінде еркін пайдалану құқығын ресми түрде бекітеді. Яғни қандай әрекеттерге рұқсат етілетіні және қандай жағдайда мемлекеттік туды қолдануға болмайтыны алғаш рет толық айқындалып отыр.