Бұл туралы Caravan.kz медиа-порталы Tengrinews.kz-қа сілтеме жасап хабарлайды.
Жарты ғасыр бұрын Шығыс Қазақстандағы теміржол вокзалдарының бірінен сәби табылған. Баланың анасы заттарын алуға кеткенде вокзалдағы жолаушылардан нәрестеге қарауды өтінген. Бірақ ол оралмаған. Баладан туған ай-жылы және асырап алу туралы өтініші жазылған хат табылған. "Мені күтпе, енді келмеймін. Саша баламды асырап алыңызшы", – деп жазылған.
1977 жылы баланы Өскемендегі балалар үйінен семейлік әскери қызметші асырап алады. Ата-анасы баланың есімін Дмитрий деп қояды. Отбасы бірден Украинаға, содан кейін Беларуське көшіп кеткен. Сондықтан баланың есінде Қазақстан туралы естеліктер қалмаған.
Телефон арқылы сөйлескен Минск тұрғыны әкесінің айтқаны оны таңғалдырғанын мойындады.
"Күтпеген әсер. Түсіну, иә, әрине кейін келеді. Енді анықтап, бірдеңені білуді жоспарлаймыз", - деді Дмитрий.
Жазда ер адам әйелімен бірге Өскеменге келіп, іздеу жұмыстарына кіріспекші. Қазір Дмитрий отбасы мен бала кезіндегі суреттерін жинастырып жатыр. Мүмкін олар балалар үйінің қызметкерлеріне осыдан 45 жыл бұрынғы оқиғаны еске түсіруге көмектесетін шығар. Ер адам оқиғадан кейін біреу жауап беріп, жақындары табылар деп үміттенеді.