Бұл туралы Caravan.kz медиа порталы Tengrinews.kz-ке сілтеме жасап хабарлайды.
"Біз ТЭЦ-3-тің Алматыға әсерін карантин кезінде анықтадық. Бұған дейін ол ескерілмейтін. Қазір біз ТЭЦ-2-ден 33 мыңға дейін, ал ТЭЦ-3-тен 12 мыңға жуық зиян зат шығатынын көріп отырмыз. Бірақ Түрксіб ауданы түгелдей, бұрын Калинин, Мичурин колхозы болған аумақ, қазір Белбұлақ деп аталады, әуежай аумағы - бұлардың бәріне ТЭЦ-3 әсер етеді", - деді министрі Мағзұм Мырзағалиев.
Сондай-ақ министрліктегі Экологиялық реттеу және бақылау комитетінің төрағасы Зүлфухар Жолдасов ТЭЦ-3-тің әсері туралы пікір білдірді.
"Алматы бірнеше жыл елдегі ең лас қалалардың тізімінде болды. Оған жылу көздерінен шығатын қалдықтар және жолдағы көліктердің кептелісі себеп болды. 2019 жылғы есеп бойынша атмосфераға 114 мың ластайтын зат бөлінген, оның 34 пайызы жылу көздерінен, 52 пайызы көліктен және 14 пайызы жеке сектордан шыққан. ТЭЦ-3 және ТЭЦ-2-ні газға алмастыру керек, сонда ТЭЦ-2 қалдының үштен бір бөлігіне тең болады",
- деді Жолдасов