«Брент» маркалы мұнайдың бір баррелінің бағасы 50 доллардан асты. Бұл – соңғы жарты жыл ішіндегі ең жоғарғы көрсеткіш. Ал WTI маркалы қара алтынның бір баррелі 49,58 долларға сатылып жатыр. Сарапшылар шикізаттың қымбаттауына АҚШ-тан келген жаңалықтар себеп деп отыр. Ондағы қара алтын қоры апта ішінде екі есеге қысқарған екен. Сондай-ақ, Канададағы орман өрті мен Нигериядағы содырлардың мұнай құбырын жарып жіберуінен кейін шикізатқа сұраныстың артуы байқалып отыр.