Мысырда Александриядан Каирге бағыт алған Egypt Air әуе компаниясының ұшағын басып алған қаскөй кепілдікте ұстаған тағы 5 адамды босатуға келісті. Қазір ол лайнерде ұшқышты ғана ұстап отыр. Енді күдікті келіссөздерді сол арқылы жүргізуде. Бұған дейін экипаж мүшелері «қаскөй барлық 55 жолаушыны босатпайынша, сыртқа шықпаймыз» деп мәлімдеген еді. Ал адамдарды кепілдікке алған мысырлық азамат түрмеде отырған жақтастарын бостандыққа жіберуді талап етуде. Бұл туралы Каир радиосы хабарлайды.