Найробиде «Аш-Шабаб» тобының мүшелері басып алған Westgate сауда кешені кениялық әскерлердің толық бақылауында, деп британдық Би-би-си телерадио корпорациясы мәлімдеді.
«Біздің әскерлер біреулер қалып қоймады ма деп ғимараттың түкпір-түкпірін тексеруде. Біздің мәлімет бойынша, кепілге алынғандар түгел босатылған», - деп елдің ішкі істер министрлігі Twitter микроблогында мәлімдеген.
Сауда кешеніне жасалған шабуыл салдарынан 62 адам құрбан болды, 170-тен астам адам зардап шекті.