Нұрсұлтан Назарбаев, Қазақстан Республикасының Президенті:
-Барлық құжаттың әрбір сөйлемі, әрбір абзацы, сараптамадан өтуі керек. Ол оңай жұмыс емес. 950-ден артық парақ, мың бетке жақын үлкен құжат. Әрине, біздің сарапшыларымыздан өтті. Мұның елімізге пайдасы бар. Бұл одақ бір күн емес, бір жыл емес, ұзақ мерзімге жасалып отырған мәселе. Біз үшін саяси жағынан, экономика жағынан тиімді болғаннан кейін барып отырмыз. Құрлықтың ішінде отырған елміз, сондықтан біздің үлкен көршілеріміз біз үшін теңіз болып саналады.