Нұрсұлтан Назарбаев қорының Шымкенттегі күндері - білім беру және әлеуметтік жобалар, сарапшылардың шеберлік дәрістері мен жарқын концерт

Бүгін Қордың атқарушы директорының орынбасары, заң ғылымдарының докторы, профессор, Қазақстан Конституциялық Кеңесінің бұрынғы төрағасы Игорь Рогов Шымкент жастарымен және оқытушылар ұжымымен кездесті. Ол елдегі ең маңызды заңдардың даму тарихы туралы айтты.

«Талант №1» жекеменшік мектебінде өңірдегі Қор күндері аясында оқудан өткен робототехник-оқытушыларға сертификаттар тапсыру рәсімі өтті.

Ал жоғарыда аталған ЖОО-да әлеуметтану магистрі, «Kazakhstan Sociology Lab» әлеуметтанушылар мектебінің басшысы Әлия Сәрсекеева және PhD докторант, әлеуметтанушылар мектебінің қатысушысы Айгүл Жанаділова студенттер мен педагогтар үшін мектептің тұсаукесерін өткізді. Мұнда зерттеушінің жұмысына арналған құралдар туралы да айтылды.

Спикерлер әлеуметтанушылар мектебі көптеген әлеуметтік-гуманитарлық ғылымда, сонымен қатар, policy зерттеулерінде қолданылатын заманауи пәнаралық бағыттар мен әдістерді қамтитынын айтты. Мектеп деректер аналитикасы, эконометрика, ғылымның жаңа пәнаралық салаларының түйіскен жеріндегі деректерді талдаудың заманауи әдістері туралы білім береді.

Бұдан кейін «Қамқорлық» жобасы аясында ашылған нысандардың жұмысымен танысты. Оларды аралау барысында Қор өкілдері Түркістан облысы Қоғамдық денсаулық басқармасының «Облыстық балалар ауруханасы» ШЖҚ МКК базасындағы «Қамқорлық» ерте араласу орталығына және «№2 Оңалту орталығы» ШЖҚ МКК базасындағы «Қамқорлық» ерте араласу орталығына 2 кондиционерден сыйға тартты. Аутизм және басқа да ақыл-ой кемістігі бар балаларға арналған орталықтағы массаж кабинетіне арналған жабдық сыйға тартылды.

«Білім және ғылым, мәдениет және шығармашылық, инклюзия және жоғары технологиялар – бұл Қордың жастарды қолдайтын негізгі бағыттары. Жобаны қорытындылай келе, біз жүздеген жастың қолдауға ие болып, жаңа деңгейге көтеріле алғанын көргенімізге қуаныштымыз», - деді орталықтарды аралау барысында Нұрсұлтан Назарбаев Қоры атқарушы директорының орынбасары Әлкей Марғұланұлы.

Оның айтуынша, «Облыстық балалар ауруханасы» базасындағы «Қамқорлық» ерте араласу орталығы 2021 жылдан бастап 854-тен астам баланы қабылдады. 2023 жылдың тамыз айында ашылған «№2 оңалту орталығы» базасындағы «Қамқорлық» ерте араласу орталығы 84 баланы қабылдады. Осы жылдың наурыз айында «Қамқорлық» №8 балаларға арналған арнаулы әлеуметтік қызметтер көрсету орталығы» КММ базасында ашылған аутизм және басқа да ақыл-ой кемістігі бар балаларға арналған орталық 110-ға жуық балаға қызмет көрсетті.

Жоба 2020 жылдан бастап өңір әкімдіктерімен бірлесіп, «Самұрық-Қазына» Ұлттық әл-ауқат қоры мен «Қазақстан халқына» Қорының қолдауымен іске асырылып жатыр. Басты мақсат ерекше қажеттілігі бар балаларды оңалту, емдеу үшін жаңа мүмкіндіктер жасау.

2020 жылдан бастап бастаманы іске асыру аясында:

- Нейро-ортопедиялық бұзылысы және олардың туындау қаупі бар балаларға арналған 15 оңалту орталығы және 11 ерте араласу орталығы. Жұмыс барысында орталықтардан 29 мыңнан астам баланы тегін оңалтудан өтіп, 2362-сі ақырындап жүре бастады, 3215-і сөйлей бастады;
- Мектептер жанындағы инклюзияны қолдаудың 16 кабинетінің арқасында ерекше білім беру қажеттілігі бар 180-ден астам бала жалпы білім беру үдерісін біріктірді;
- Аутизм және басқа да ақыл-ой кемістігі бар балаларға арналған 4 орталық. Орталықтар Шығыс Қазақстан, Жетісу, Павлодар облысында және Шымкент қаласында орналасқан. Әрбір орталық 1,5 пен 18 жас аралығындағы аутизм спектрі бұзылған 125 балаға арналған.

«Қамқорлық» ерте араласу орталығының барлық ұжымына біздің балаларымызға берген жоғары кәсібилігі, сүйіспеншілігі мен жылуы үшін алғыс айтқым келеді. Оңалтудан өткен үш аптада менің балам көптеген жағымды эмоция алды. Мұғалімдерге жеке сабақтары үшін, болашаққа қарай дамуға және алға жылжуға мүмкіндік бергені үшін рахмет айтамын, - деді орталыққа келген Даниялдың анасы Заретта.

Нұрсұлтан Назарбаев Қорының күндері Ш. Қалдаяқов атындағы облыстық филармонияда әлемдік деңгейдегі әртістердің ауқымды концертімен аяқталды. Гаухар Тасбергенова, Бибігүл Жанұзақ, Татьяна Вицинская, Ермек Құрманаев, Ардақ Балажанова, Есбол Шаңбаев, Айгүл Азатова және Марат Айтымбай сынды халықаралық байқаулардың, Нұрсұлтан Назарбаев Қоры сыйлығының лауреаттары, көрнекті музыканттар мен әншілер өнер көрсетті.