-20 жыл. Қандай жас едік...
Шаруа қожалықтарының басшыларымен емен- жарқын әңгімелескен Елбасы жуырда Иран президентімен кездесетінін айтты. Оның маңыздылығы сол – осы ел арқылы Қазақстан өз астығын парсы шығанағындағы мемлекеттерге саудаға шығара алады. Биыл еліміз 8 миллион тонна бидайды сыртқа сатуды жоспарлап отыр. Оның әрбір төртінші тоннасы Қызылжар өңірінде өседі екен. Президент мына жағдайға назар аударды: Қазақстан мен Канада жерінің құнарлығы мен жағрапиялық жағдайы бірдей. Бірақ мұхиттың арғы жағындағы ел әр гектардан 30 центерден артық астық алады екен. Ал біздің елімізде бұл көрсеткіш 10-12 центер ғана. «Бұл ойланатын жағдай»-, деді Елбасы. Сондай- ақ, Нұрсұлтан Назарбаев жуырда тағайындалған облыс әкімі Ерік Сұлтановқа кеңес берді.
Нұрсұлтан Назарбаев, Қазақстан Республикасының Президенті:
-Бұл әкім сіздердің жерлестеріңіз. Оған жұмыс істеу оңай болмайын деп тұр. Ағайын туыстар көп дегендей. Бәрі жағдайларын жасауды сұрайтын шығар. Жұмысыңды әділ істе. Саған дейінгі әкімдер ұятқа қалған.