Үш секіріп қарғудың үшінші мүмкіндігінде біздің спортшы 14,98 метрге қарғып, бірінші орынға шықты. Ал соңғы 3 мүмкіншілікте жарыс жолына шыққан 8 спортшының ешқайсысы да Ольганың нәтижесін қайталай алмады.
Айта кетейік, Ольга Рыпакова ағымдағы жылы Нью-Йоркте өткен «Брилиантты лиганың» алтыншы кезеңінде бірінші талпыныстан-ақ 14,71 метрге секіріп, рекорд жаңартып, алтын медаль иеленген болатын. Сонымен қатар Ольга осы лиганың Дохада өткен бастапқы кезеңінде де 14,33 метр нәтижемен «алтын» олжалаған-ды.