Оңтүстік Қазақстан облысы Мәскеуге азық-түлік керуенін жөнелтті.
Дүйсенбі күні Шымкенттен Ресейге аттанған автокеруенге бау-бақша өнімдері, жеміс-жидек, макарон, балық, бал, алкогольсіз сусындар мен ет өнімдері, жалпы 297 тонна өнім тиелген. Бұл туралы дүйсенбі күні облыс әкімінің орынбасары Сапарбек Тұяқбаев мәлім етті.
Оның айтуынша, аймақтық жәрмеңке Мәскеуде 15-18-қыркүйек аралығында өтеді. Қала әкімшілігі жәрмеңке өткізу үшін арнайы орын бөлген.
С.Тұяқбаев мұндай жәрмеңкелер алдағы уақытта тұрақты түрде өткізіліп отырады деп үміт білдірді.