4-қазанда 17 сағатта шұғыл құтқарушы топқа Сайрам ауданы Манкент ауылында жоғары кернеулі бағанға шығып алған бір еркек өзімді-өзім өлтіремін деп қоқан-лоққы жасауда деген хабарлама келіп түсті. Оқиға орнына келген құтқарушылар 44 жастағы ер адам бағананың темір құрылғысының үстінде отырғанын көреді. Бағананың маңайына ауыл тұрғындары мен әлгі еркектің отбасының мүшелері үркердей болып жиналған.
Құтқарушыларды байқап қалған әлгі жақындап келсеңдер секіремін деп айқайлай бастайды. Оның келіссөздерге бейім екенін аңдаған құтқарушылар шұғыл әрекетке кіріскен жоқ. Туыстарының ақылымен оқиға орнына әлгі еркектің немересі шақырылады. Ақырында немересінің ақылына көнген адам бағана басынан өз бетімен түсіп келді.