Оңтүстік Қазақстан облысында бензин тиелген вагондар өртеніп жатыр. Бұл туралы облысытық Төтенше жағдайлар департаментіне сілтеме жасап, Tengrinews.kz тілшісі хабарлады.
Мамандардың айтуынша, оларға үшінші деңгейдегі хабар келіп түскен. Бұл аса қауіпті боп саналады. Ал өртті фотоға оқиға куәгерлері түсіріп алған. Олардың хабарлауынша, жел болғандықтан қызыл жалын тез тараған. Тіпті жарылыстың дауысы естіліпті.
Көрші кәсіпорындардың жұмысшыларын ғимараттан шығарып, қалаға алып кетті. Оқыс оқиға Батыс Еуропа – Батыс Қытай тас жолының бойында, Қарабұлақ кентіне жақын маңда болған.