Тексеру барысында "Кентауэнерго" ЖШС басшылығының кінәсінан 289 млн 486 мың 500 теңге көлеміндегі бюджет қаражаты өз мақсатында жұмсалмағаны анықталды, деп хабарлайды баспасөз қызметі.
Сонымен қатар, "Кентауэнерго" ЖШС басшылығы жылу энергетикалық орталығын жөндеуге арналған 400 млн теңге көлеміндегі ақша қаражатын негізсіз "БТА" АҚ депозиттік шотына салып, соның салдарынан 4 млн 136 мың 600 теңге көлеміндегі негізсіз табыс алынған.
5-ЖЭО 236 млн 825 мың 855 теңге сомасындағы жөндеу жұмыстарын жүргізу конкурсының нәтижесі бойынша "Отырар құрылыс Е. К." жеңімпаз деп танылған. Алайда, прокуратура "Кентауэнерго" ЖШС мен "Отырар құрылыс Е. К." аффиллирлік ұйымдар екенін анықтаған. Өйткені, олардың бірін әкесі, екіншісін баласы басқаратын болып шыққан. Сондай-ақ, жасалған жұмыстардың актілеріне солар қол қойған.