Қырғызстан Республикасының Миграция және жұмыспен қамту комитеті хабарлағандай, бұл кездесу Еуроодақ қаржыландырып отырған Орта Азиядағы еңбек миграциясы жобасының аясында өткізіліп отыр. Осы халықаралық кездесуге Қырғызстан, Қазақстан, Тәжікстан, Өзбекстан мен Ресейдің көші-қон қызметінің басшылары, заң шығарушылары, ТМД мен ЕурАзЭҚ Парламентаралық ассамблеясының өкілдері қатысты.
"Қызығушылық танытып отырған барлық тараптар өз болмысы бойынша көп функциялы, трансұлттық және үкіметаралық феномен ретінде танылған миграция саласындағы ынтымақтастықтың маңыздылығын түсінеді. Бұл ЕурАзЭҚ-тың Мәскеуде өткен соңғы отырысының барысында Қырғызстан мен Қазақстанның премьер-министрлерінің бірлескен мәлімдемесінде де көрсетілген болатын. Онда екеуі де мұндай мәселеде жан-жақтан жұмылудың маңыздылығын атап көрсеткен еді", - деп хабарлады ҚР Миграция комитетінің төрайымы Айгүл Рысқұлова.
Еңбек мигранттарын заңдастыру, олардың құқын қорғау, медициналық және әлеуметтік қызметтерді пайдалануға рұқсат беру, еңбек ресурстарын алмасудың ұйымдасқан түрін жүзеге асыратын құралдар жасау 11 - 12 наурызда болатын осы отырыстың назарында.