бұл- 2002-жылғы осы мерзімдегі көрсеткіштен 11,1%-ке кем. Бұл туралы KZ-today тілшісіне Өскемен қалалық ІІБ-нан хабарлады.
Қылмыстық полицияның желісімен тіркелген қылмыстар саны 2322-ні құрады, бұл көрсеткіш өткен жылғыдан 11% аз (2613). Ал аса ауыр қылмыстар саны 57,5%-ке кеміді, үстіміздегі жылдың 7 айында осындай қылмыс түрінен 685 тіркелген, ал былтырғы көрсеткіш 1612 болатын.
Полицияның ақпаратына жүгінсек, жасөспірімдер арасындағы қылмыстық деңгей 14,5%-ке кеміген, кәмелеттік жасқа жетпегендер жасаған 206 қылмыс тіркелді (2002-жылдың осы мерзімінде осындай 241 қылмыс тіркелген болатын), мұндай қылмыстың жалпы қылмыс түрлері арасындағы үлес салмағы 9,5%-ті құрады.
Өткен мерзімде экономика саласында жасалған 42 қылмыстың беті ашылды (2002-жылы 35), оның 15-і бойынша қылмыстық іс сотқа жіберілді (11).
Сондай-ақ, полиция қызметкерлерінің хабарлауынша, кейбір қылмыс түрлерінің өсу ағымы байқалды. Атап айтсақ, кісі өлтіру көрсеткіші 36,4%-ке, пәтер тонау көрсеткіші 13,6%-ке (2002-жылы 435 болса, 2003-жылы 494), денсаулыққа қасақана зиян келтіру көрсеткіші 4,8%-ке артып отыр (42-ден 44-ке дейін).
Жалпы қылмыстық әрекеттердің әшкерелену көрсеткіші 74,9%-ті құрады.
Шығыс Қазақстан облыстық ІІББ-ның уақытша оқшаулау және бейімдеу орталығына кәмелеттік жасқа жетпеген 366 бозбала қамалды (2002-жылы 434), әкімшілік құқық бұзғандығы үшін 918 жасөспірім жауапқа тартылды. Соның ішінде ішімдікке әуестігі және мас күйінде қоғамдық орындарға барғаны үшін 487 бала әкімшілік жауапкершілік жүктеді.