Биылғы жылдың үздік боксшысы атағы Хасанбой Дусматовқа бұйырды. Өзбек боксшысы 2016 жылғы Олимпиада чемпионы, 2015 жылғы Азия чемпионы, сондай-ақ 2013 жылғы Бүкіләлемдік универсидананың жеңімпазы. Рио ойындарында Дусматов Вэл Баркер Кубогын да иеленген.
Айта кетсек, дауыс беру AIBA-ның твиттердегі ресми аккаунтында өтті. Алғашында қазақстандық боксшы Данияр Елеусінов алда келе жатқан еді, алайда кейін ол екінші орынға жайғасты. Дусматов 77 пайыз дауыс жинаса, Елеусіновтің еншісінде 18 пайыз.
Үздік үштікті Рио Олимпиадасының чемпионы кубалық Робейси Рамирес тұйықтады. Оған респонденттердің бес пайызы дауыс берген.