Бұл туралы ол Парадокс бағдарламаксында айтты, деп хабарлайды Caravan.kz медиа порталы.
"Театрда 16 жыл қызмет етіп жатырмын. Театрға берілген жалдамалы пәтерде тұрамын. Ол үйді сатып алсаң да болады, бірақ әлі сатып алған жоқпын. Ең бастысы, ешкім қуып жатқан жоқ, тұратын жерім бар. Театрдан да әзір шығарып жібермейді. Сондықтан жекешелендіруге құлшынып тұрған жоқпын. Мүмкін, жағдайға да байланысты шығар. Бірақ, жекешелендіру керек. Өзі негізі тұрмысқа келген кезде кішкене жалқаулаумын, сол жағым кенжелеп тұр. Ол дұрыс емес. Заман талабына сай, ол жағын да ойлау керек", - дейді ол.
Актер ата-анысының өзін өтірік мақтамайтынын да айтты.
"Әке-шешем өтірік мақтамайды. Ұнамайтынын ұнамайды деп айтады. Мысалы, әкеме "Брат или брак" фильмі ұнамайды. Мен оны дұрыс қабылдаймын. Олардың олай айтқаны да дұрыс. Бәріне ұнау шарт емес", - дейді актер.