В.Скворцов балабақшаға осыдан 12 жыл бұрын жұмысқа орналасқан. Ол 3-4 жастағы балаларды жүзуге баулып, суық сумен жуыну, қыста қар үстінде жүгіру тәрізді өзі ойлап тапқан шынықтыру жүйесін қолданысқа енгізуде. Балабақша өкілдерінің айтуынша, шынықтыру жүйесімен осындай процедураларға дайын, денсаулығы шымыр балалар ғана айналысады.
58 жастағы В.Скворцов жыл бойы суық сумен жуынып, жеті ай бойы жұмысқа велосипедпен келіп жүр. Алматыдағы денешынықтыру институтын бітірген ол бұған дейін Павлодар индустриялық институтында оқытушы болып істеген, гимнастикадан спорт мастері.