Атап айтқанда, ол импорттық операциялар бойынша қажетті құжаттардың мөлшері 18-ден 11-ге, ал экспорт бойынша 14-тен 10-ға азайтылатынын хабарлады. "Жалпы алғанда құжаттарды алудың максималды мерзімі 60 күннен 10 күнге дейін қысқартылады", - деп атап көрсетті ол.
"Тәжірибе жүзінде бұл тауар айналымын өсіруге, жүктің өту уақытын айтарлықтай қысқартуға мүмкіндік береді. соымен қатар, әкімшілік кедергілер мен басқа да бөгеттер азаяды", - деп атап көрсетті М. Мұхамбетов.
Өңірлік кедендік бақылау департаментінің бастығы интеграциялық бақылау принципін Кедендік бақылау комитетінің мамандары жасап шығарғанын және үкімет қарауына енгізілгенін хабарлады. Оған сәйкес, негізгі функцияларды (шекаралық бақылаудан басқаларын - агенттік ескертпесі) өткізу пункттерінен тораптық терминалдар мен кедендік рәсімдеу орталықтарына беру ұсынылып отыр. Яғни, шекарадағы операциялар енді кедендік органдардың бақылауына берілетін болады.