Конкурстың ұйымдастырушылары әлемнің көптеген елдеріндегі балалардан 14 883 жұмыс алған. Солардың ішінен қорытынды көрмеге 570 үздік туынды іріктелген. Қорытынды көрмеге қойылған суреттердің арасында тоғыз жасар суретшілер - Настя Коваленконың, Әсел Әділкешеваның және Ағила Рахымжанованың туындылары бар. Олар өз суреттерінде адамзаттың «төрт аяқты досына», жалпы барлық тіршілік иесіне деген сүйіспеншіліктерін көрсете білген. Балалардың жұмыстарында №1 көркемсурет мектебі оқытушыларының жас суретшілердің қабілеттерін дамыту жөніндегі жоғары жұмыс деңгейін байқауға болады.