Жазушының 70 жылдық мерейтойына орай халық шығармашылығы орталығында көрме ұйымдастырылып, онда аңызға айналған павлодарлық әнші және композитор Иса Байзақовқа арнап жазған «Иса-ақын» атты соңғы шығармасын қоса алғанда, жазушының 50-ге тарта туындысы қойылған.
«А.Жақсыбаевтың шығармалары қазақ әдебиетінің дамуына айрықша үлес қосты. Оның соңғы еңбегі оқырман қауымды павлодарлық ақын шығармашылығының белгісіз тұстарымен, оның қызметімен және мінезімен таныстырады», - деді мерейтой иесін құттықтай келе облыс әкімінің орынбасары Әлия Ғалымова.
Павлодардағы «Шаһар» газетінің редакторы Ғалымбек Жұматов, Павлодар мемлекеттік университетіндегі қазақ тілі кафедрасының меңгерушісі Айман Зейнуллина, жазушының досы Қайыргелді Тоқтаров пен Парламент Мәжілісінің депутаты Жарасбай Сүлейменов әріптестерін құттықтап, жылы лебіздерін білдірді.
А.Жақсыбаев жерлестеріне зор алғысын айта келе, туған жердің арқасында шығармашылық мол жетістікке жеткенін атап өтті.