Оның айтуынша, бәсекелестікті қорғау комитеті PetroKazakhstan Oil Products тарапынан монополияға қарсы күрес заңын бұзу деректерін тағы да әшкереледі. Атап айтсақ,компанияның анықтағанындай, "өзге тұтынушылар тарапынан сұраныстың бар екеніне қарамастан, бұл компания мұнай өнімдерін небәрі 12 ЖШС желісі арқылы сатып, мұнай өнімдері нарығындағы бәсекелестікті шектеу немесе оны мүлдем жою саясатын жүргізуде". "Осындай әрекеттің арқасында "PetroKazakhstan Oil Products" АҚ 70 млрд. теңге немесе 0,5 млрд. доллар көлемінде монополиялық пайда тапқан",- деді Ә.Матишев. Оның айтуынша, "аталмыш қаржы мемлекеттік бюджетке аударылмаған жағдайда комитет сотқа шағым түсіреді".
Сонымен бірге комитет төрағасының хабарлауынша, 13-қазанда ҚР Жоғарғы соты монополияға қарсы күрес мекемесінің шағымы бойынша "PetroKazakhstan Oil Products" АҚ-ымен аффилирлік байланыстағы жеті фирманың үстінен монополияға қарасы күрес заңын бұзғаны үшін бюджетке 7 млрд. 400 млн. теңгені аудару туралы шешім шығарды. Фирмалар бұл қаржыны алдын-ала ауыз жаласу арқылы 2003-жылы республика аумағында жанар-жағармайға бірдей баға белгілеу арқылы тапқан деп танылған. Соттың шешімі заңды күшіне енді",- деді Ә.Матишев.
PetroKazakhstan компаниясы активтерінің CNPC-ге сатылу мүмкіндігі туралы журналистер сауалына жауап берген Ә.Матишев: "өз басым сатып алушылардың орнында болсам, Қазақстан Республикасының заңнамасын бұзатын компаниямен істес болудан сақтанар едім",- деді.