Бір ай ішінде Пушкин атындағы саябақта Аққайың ауданы абаттандыру жұмыстарын жүргізді. Мұнда ландшафтты дизайн толықтай өзгертіліп, қарағай мен қайың, 500-ден астам бұта көшеттері отырғызылып, жаңа орындықтар орнатылды. Саябақтың дәл ортасында Татьяна Ларина мен Евгений Онегинге ескерткіштің орнатылуы гүл бағына ерекше ажар беруде.
Петропавл қаласының әкімі Нұрлан Әшімбетовтың айтуынша, барлығы 13 ауданның 13 саябағы да абаттандырылады. Қалалықтар ауылдықтарға осы көмегі үшін шынайы алғысын айтады. Жұмыстарды қараша айының басына таман аяқтау жоспарлануда. Келесі жылы қалалықтар облыстың барлық аудандарындағы саябақтарды абаттандыруға өз үлестерін қоспақшы.