Вокзалдағы бақылау камерасынан екі жігіттің темекі тұқылын жерге тастап жатқаны анық көрініп тұр. Бұны байқаған тәртіп сақшылары бұзақыларды ұстамақ болады. Алайда мотоциклге мініп, жалмажан қаша жөнелген. Олардың соңына барлық қызметтік көліктерді жұмылдыруға тура келді. Ақыры қуғын жол апатымен аяқталды. Патрульдік көлік мотоциклдің артқы дөңгелегін жаншып, оны тақымдаған жігіттерді жазым қыла жаздады. Енді олар темекі тұқылын тыйым салынған жерде тастағаны әрі жол апатына себепкер болғаны үшін де жазаланбақ.
Иван Павлов, Павлодар қаласының тұрғыны:
- Егер мен темекі тұқылын лақтырсам, осылайша өмірімді тәуекелге тігер ме едім? Артымнан бандиттер қуып келе жатыр деп ойладым.