Қазақстанның Чех Республикасындағы Елшілігі ҚР Ақпарат және қоғамдық даму министрлігі жанындағы Конфессияаралық және өркениетаралық диалогты дамыту орталығымен, сондай-ақ Ұлттық академиялық кітапханамен (Нұр-Сұлтан) бірлесіп, Чех дін өкілдерінің, ғылыми және сарапшы топтардың, болу елінің бұқаралық ақпарат құралдары өкілдерінің қатысуымен дөңгелек үстел өткізді, деп хабарлайды Caravan.kz медиа порталы.
Қазақстан тарапынан онлайн форматта Қазақстан халқы Ассамблеясы төрағасының орынбасары М.Әзілханов, Конфессияаралық және өркениетаралық диалогты дамыту орталығының басшысы Б. Сәрсенбаев, Өңірлік ҚХА (Ассамблея) өкілдері, Қазақстанның дін өкілдері, БАҚ өкілдері қатысты.
Қазақстандық дипломаттар өз сөздерінде: "Конфессияаралық келісім-Тәуелсіз Қазақстан тұрақтылығының маңызды факторы болып табылады”.
Чех Республикасының Мәдениет министрлігі өңірлік мәдениетті дамыту департаментінің директоры Зузана Малкова өз сөзінде: "Қазақстандық конфессияаралық келісімнің бірегей үлгісіне назар аудару қажет, онсыз Қазақстан өмірінің барлық салаларында әсерлі табыстар болмас еді. Қазақстан саяси және әлеуметтік-экономикалық тұрақтылық, азаматтық бейбітшілік пен барлық конфессиялар арасындағы келісім сақталған мемлекет болып қала береді".
Өз кезегінде, Чех Республикасы мұсылмандар қауымы Орталық Комитеті төрағасының орынбасары В.Санка, Чех Республикасы Успенск соборы ғибадатханасының басшысы Протоирей Р. Гайдамаченков: "Этносаралық келісім мәселелері Қазақстан қоғамының назарында және осының арқасында Республика сенім, ынтымақтастық және өзара түсіністік ерекше атмосферасы орнаған бейбітшілікті қамтамасыз етудің ең тиімді жүйелерінің біріне ие болды", - деп атап көрсетті.
Іс-шарада сондай-ақ үш конфессияның өкілдері сөз сөйледі: ислам, католицизм, православие, сондай-ақ чех профессоры, танымал теолог Ян Ройт, философия докторы, профессор, танымал чех ғалымы Йржи Шима, Чех баспа және интернет басылымының бас директоры "Prazsky-magazin.cz" Алеш Флитчер, Чех БАҚ өкілдері, Қазақстан достары клубы, сондай-ақ танымал блогерлер.
Дөңгелек үстелге қатысушылар мемлекеттік - конфессиялық қатынастар саласындағы өзекті мәселелерді, жалпыұлттық идея негізінде қазақстандық бірегейлікті нығайту міндеттерін, дінаралық диалог пен өзара түсіністікті ілгерілетудегі азаматтық қоғамның өсіп келе жатқан рөлін қызығушылықпен талқылады.