Қазақстанның Сыртқы істер министрлігі Чехиядағы атыс кезінде қаза тапқандар арасында қазақстандықтар жоқ екенін хабарлады, - деп хабарлайды Caravan.kz медиа порталы Tengrinews.kz-ке сілтеме жасап.
"Чехия билігінің алдын ала мәліметі бойынша, зардап шеккендер мен қаза болғандар арасында Қазақстан Республикасының азаматтары жоқ", - деді Сыртқы істер министрлігінің ресми өкілі Айбек Смадияров.
Еске салайық, бір күн бұрын Прага орталығында болған атыс кезінде 14 адам құрбан болып, 25-і әртүрлі дәрежедегі жарақат алған болатын.