"Әр халық өзінің тарихын жадында тұтып, білуге, өз тарихын оқуға тиіс. Олай жасамаған адам қателеседі. Біз Абылай ханның кеңесшісі, ақын, ойшыл Бұқар жырау секілді қайраткерлерді ұдайы жадымызда ұстаймыз. Бұл ескерткіш аса әсем жерде тұр. Бұл мені осында келуге, сіздермен жүздесуге итермелеген оқиға", - деді Н. Назарбаев.
Астананың 10 жылдық мерейтойы туралы сөз қозғаған Н. Назарбаев "небәрі 10 жылда заманауи мегаполис салынғанын" атап өтті. Қарағандылықтар қалаға баруға, демалуға және жұмыс істеуге мүмкіндіктері бар. Ол үшін біз Астана мен Қарағандының ортасында 6 жолақты автотрасса саламыз",- деді ол.
Бұқар жырау ескерткішінің авторы Қазақстан суретшілері одағының мүшесі, мүсінші - Жеңіс Молдабаев. Ескерткіш Қазақстан суретшілері одағының Қарағанды облыстық ұйымының көркем өндірістік комбинатында жасалған. Ол қоладан құйылған. Оның биіктігі 4,2 метр, салмағы - 3,4 тонна.