Абырой болғанда әншінің өзі дін аман. Алайда әншінің анасы жариялаған суреттегі көліктің түріне қарап-ақ апаттың қаншалықты ауыр болғанын көруге болады, деп хабарлайды Stan.kz.
«Иә, расында Қайрат көлік апатына ұшырады, тура осы көлікте. Бірақ аман. Аяқтарына сəл зақым келген, Алла қолдап əйтеуір сынбаған. Екі аяғын таңып алып Қазалыда халыққа еш білдірмей əнін айтып кетті. Бəріңіз естіп сұрап жатыр екенсіздер, инстаға кірсем халық уайымға салыныпты, сол себепті жауабымды беріп сіздерді уайымсыз болсын деп жазып отырмын. Əуелі Аллаға содан соң тілеуін тілеген сіздерге аналық жүрегіммен алғысым шексіз! Сіздердің əрбір дұғаларыңыз Алланың құлағына шалынып, Қайраттарыңыз осындай апаттан тағы да аман қалды. Менің де тілерім: əрбіріңіздің ұл-қыздарыңызға тек амандық, отбасыларыңызға қуаныш!» – деп жазды Гүлзира Үсенқызы желідегі парақшасында.