Бұл туралы Vesti.kz тілшісіне боксшының командасына жақын мәлімет көзі мәлімдеді, деп хабарлайды Caravan.kz медиа порталы.
Қазіргі таңда Қанат Қазақстанда жүр және бірінші жаттығу лагерін бастамақ. Ал біраз уақыттан кейін АҚШ-қа аттану керек, сол жақта бапкері Роджер Ромроның қол астында дайындығын жалғастырады.
Әзірге келесі жекпе-жектің өтетін орны мен өзге мән-жайы белгісіз. Мұның алдында Қанат жаттығу лагерін қаңтар айының соңында бастамақ болған еді.
Кейінгі рет Қанат Ислам рингке 2022 жылдың 7 қазанында Плант-Ситидегі бокс кешінде шығып, төрешілер шешімімен аргентиналық Хавьер Франсиско Масьелді (34-18, 23 КО) жеңген болатын.