Бұл туралы Vesti.kz порталының тілшісіне америкалық боксшының командасының өкілі айтып берді.
Дереккөздің айтуынша, Қанат Исламның командасына барлық сұраған қаржыны беруге дайын болған екен. Бірақ қазақстандық боксшы сонда да бұл ұсынысты қабылдамапты. Дегенмен де Қанат Исламның нақты не себептен жекпе-жектен бас тартқаны туралы ештеме айтылмады.
Қазір Вераның командасы Қанат Ислам рейтингінде бірінші тұрған WBA шешімін күтіп отыр екен. Еске салайық, 21 қараша күні ұйым екі боксшының командасына жекпе-жекті ұйымдастыруға бір ай уақыт берген болатын. Қай жеңгені осы салмақтағы суперчемпионы Эрисланди Лараның (25-2-2, 14 КО) міндетті қарсыласы атанатыны туралы да айтылған.
Ал бұған дейін Вераның командасы Қанат Исламның командасымен келіссөз басталғаны туралы хабарлаған еді. Өз кезегінде қазақстандық боксшы да жуық арада екі кездесу өткізетінін айтты. Оның бірі жуық арада АҚШ-та өтсе, екіншісі мамыр айында Астана қаласында өтетінін хабарлады.