Прокуратураның баспасөз қызметінен хабарлағандай, жол дистанциясы қызметі мен «НК Сервис» ЖШС-нің арасында жасалған келісім-шарт бойынша, соңғысы Қандыағаш стансасының теміржол төсемінен мұнай өнімдерімен ласталған жалпы салмағы 75 тонна жер қыртысын көмуді жүзеге асырады.
Көрсетілген қызметтер үшін Қандыағаш жол дистанциясы «НК Сервис» ЖШС-не 2 млн. астам теңге көлеміндегі ақшалай қаражаттарды төледі.
Алайда, тексеріс көрсеткендей, Қандыағаш жол дистанциясының жұмыскерлері 45 тоннаны жою бойынша орындалған жұмыстардың актілерін жалған жасаған, осыған байланысты «НК Сервис» ЖШС-не 1,215 млн. теңге көлеміндегі аұшалай қаражаттар заңсыз аударылды.
Аталған факті бойынша қылмыстық іс қозғалды, айыптау өкім шығарылды. «НК Сервис» ЖШС «ҚТЖ ҰК» АҚ-на 1 215 000 теңге көлеміндегі соманы төледі.