Мәчселен, Шахан ауылында "Шахтинск құрылыс бөлімі" мемлекеттік басқармасы қол қойған атқарылған жұмыстардың актісінде көрсетілгендей, мердігер 2 981,4 мың теңгенің түрлі құрылыс жұмыстарын атқарған.
Ал іс жүзінде аталған жұмыс тар атқарылмаған. Бұл бюджет қаржысын заңсыз бөлуге алып келген.
"Шахтинск құрылыс бөлімі" мемлекеттік басқармасы қызметкерлерінің су көзінің бар-жоқтығына барлау жұмыстарын өткізу мақсатында техника-экономикалық негіздеме жасауға шара қолданбаған жұмысқа немқұрайдылығы салдарынан Долинка ауылының 4 мыңнан астам тұрғыны бүгінгі күнге дейін сумен дұрыс қамтамасыз етілмеген. Ал тиімсіз пайдаланылған бюджет қаржысының көлемі 46 млн теңгеден асады.