Мақсат – олардың неге мұқтаж екенін біліп, мекенжайын волонтерлерге жіберу. Өз кезегінде еріктілер аталмыш жанұяларға азық-түлік пен басқа да қажетті заттарын жеткізіп береді.
Сондай-ақ Жезқазған қаласындағы дүкендерде әлеуметтік әлсіз топтарға арналған «қайырымдылық сөресі» жұмыс істей бастады. Мұнда кез келген адам тауар сатып алып, осы сөрелерде қалдыра алады. Ал мұқтаж жандар оны тегін алуына болады.
Саят Балмағамбетов, волонтер: – Полицейлер, спортшылар, кәсіпкерлер бірігіп, мұқтаж жандарға пакет таратып жатырмыз. Соңғы 1,2 күнде 100 мұқтаж отбасына әлеуметтік пакет таратылды. Жезқазған қаласындағы кәсіпкерлер пакеттерді тарату бойынша жұмыстар жүргізіп жатыр.