Облыс әкімі Нұрғали Әшімовтың айтуынша, Қарашығанақ -Ақсай - Орал газ құбырын тарту Бөрілі, Теректі, Сырым және Қаратөбе елдімекендерін табиғи газбен қамтамасыз етуге мүмкіндік береді. Тұтастай алғанда ауылдық жерлерде тұратын 5 мыңдай үй арзан көгілдір отынға қол жеткізеді.
Газ құбыры алдағы 1,5 жылда тартылып бітеді деп күтілуде. Қарашығанақ кенішінен шыққан газдың 1 текше метрі облыс тұрғындарына 25 доллардан сатылады. Ол Батыс Қазақстан облысына Ресейден жеткізілетін көгілдір отыннан 15-20 процент арзанға түспек.
Жобаны жүзеге асыру үшін таяу уақыттарда Қарашығанақта газ өңдеу қондырғысын жаңалау жұмыстары басталады.
Газ құбырын тартуға 80 млн. доллар көлемінде инвестиция салынады. Бастапқы кезеңде жобаның техника-экономикалық негіздемесін жасау қажет. Газ құбырын тартуға арналған қаржыны Қарашығанақ интегарциялық ұйымы толық көлемде шығарады.