"Кейінгі кездері қаржылық қоғамдастықта мемлекеттік қызметкерлердің қаржы нарығына шығу аясын кеңейтуге қатысты оң ұсыныстар айтылуда. Біздің елімізде мемлекеттік қызметкерлер заң бойынша ақшасын екінші деңгейлі банктерге сала алады, бірақ, ұжымдасып инвестиция салу деп аталатын мәселе өз алдына бір төбе. "Мемлекеттік қызмет туралы" заң бойынша мемлекеттік қызметкерге инвестициялық пай қорларына қаржы қосуға тыйым салынған",- деді А.Дунаев.
"Менің пікірімше, мемлекеттік қызметкер дегеніміз - халықтың қалған бөлігі үшін лакмус қағазы секілді. Олар білімдар әрі элиталық топ болып саналады. Осы топ өз ақшасын ұжымдасып инвестиция салуға жұмсаса, меніңше, халықтың қалған бөлігі де қарап қалмай, автоматты түрде осы нарыққа шығады",- деді ол.
Өз кезегінде үкімет басшысы Кәрім Мәсімов " отырыстың хаттамасында осы мәселені белгілеп, заң жүзінде оны шешу жайын ойластыруды" ұсынды. "Бұл дұрыс қойылған сұрақ",- деді үкімет басшысы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті