Қауіпсіздік кеңесі жанындағы сарапшылар кеңесі осындай шешім қабылдады, деп хабарлайды мемлекет басшысының баспасөз қызметі.
Сарапшылар кеңесі мүшелері Орталық Азиядағы эпидемиологиялық ахуалды ортаға салды. Отырысқа мемлекеттік органдардың, санитарлық-эпидемиологиялық және ветеринарлық қызметтердің басшылары, сондай-ақ, салалық ғылыми-зерттеу институттарының сарапшылары қатысты.
Сарапшылар Орталық Азия аймағында санитарлық-эпидемиологиялық қауіптің күшеюіне байланысты алаңдаушылық білдірді. Жаңа жұқпалы аурулардың өршуі халық денсаулығы мен Қазақстанның экономикалық тұрақтылығына қатер төндіретіні айтылды. Сонымен қатар, санитарлық-эпидемиологиялық және ветеринарлық қызметті дамытуға мемлекет тарапынан қолдау шаралары мен аталған саладағы халықаралық ынтымақтастық келешегі талқыланды.
Мәселе Қауіпсіздік кеңесінің кезекті отырысында ортаға салынбақ.