“Жобаның басты мақсаты – Қазақстанға үкіметтің стратегиясын жүзеге асыруға көмектесу, ел экономикасын дамыту мен инвестициялық ахуалды жақсартуға қолдау көрсету, Қазақстанның заңнамалық базасын Еуропалық Одақтың стандарттарына сәйкестендіруге көмектесу болып табылады”,- деп мәлімдеді Еуропалық комиссияның Қазақстан, Қырғызстан және Тәжікстандағы өкілдігінің жетекшісі, елші Адриан ван дер Меер бүгін журналистерге берген сұхбатында.
Оның айтуынша, жобаны жүзеге асыру Қазақстанға дүниежүзінің бәсекелестікке қабілетті 50 елінің қатарына кіруге көмектеседі.
Бұл жобаны Еуропалық Одақ Қазақстан парламентінің мәжілісімен бірлесе жүзеге асыруда. Жобаның екінші кезегі 18 айға созылады. Оны жүзеге асыруға Еуропалық Одақ 1,2 млн. евро көлемінде грант бөлуде.